Fans : 0 Ebert Wijesinghe -

Known As : Ebert Wijesinghe
Real Name : Ebert Wijesinghe
First Released : Sanakeliya 1974
Latest Released : Vaishnavee
2018

Share on Google+ Share on twitt

Biography

 සන්සුන් ගමනින් පැමිණි විජය කුමාරණතුංග, ඊබට් විජේසිංහ අසල වාඩි විය. ඔහුගේ අතින් හැඩ ගැන් වූ වසන්ති චතුරානි ද ඒ ආසන්නයේ සිටී.

 
සනත් ගුණතිලක ද ඊට සුලු මොහොතකට පසුව දර්ශන තලයට පැමිණියේය.
 
අද අපි ටිකක් ලයිට් මේකප් එකක් දාමු. එසේ පවසමින් ඊබට්, විජයව හැඩ ගන්වන්නට පටන් ගත්තේය.
 
මේ සුමිත්‍රා පීරිස් ගඟ අද්දර චිත්‍රපටය රූගත කෙරෙන කාලයයි.
 
ඊබට් විජේසිංහ මේ සොඳුරු සිනමා සිත්තමේ අංග රචනා ශිල්පියාය.
 
එදා ගඟ අද්දර වෙනුවෙන් විජය, වෛද්‍ය සුනිමල් සිරිවර්ධන විය. සනත්, රංජිත් ලෙස රංගනයේ යෙදුනේය. වසන්ති, නිර්මලාට පණ පෙව්වාය.
 
අද ගඟ අද්දර ටෙලි සිතුවමක් වී තිබේ. සාරංග මෙන්ඩිස් එය අධ්‍යක්ෂණය කරයි.
 
එහි වෛද්‍ය සුනිමල්, මේනක රාජපක්ෂය. රංජිත්, සාරංග දිසාසේකරයි. ශලනි තාරකා, නිර්මලා ලෙසින් වෙස් මාරු කරගෙන සිටී.
 
ගඟ අද්දර ටෙලි නිමැවුමෙත් අංග රචනා ශිල්පියාත් ඊබට්ම වන්නේය.
 
සුමිත්‍රා ගඟ අද්දර චිත්‍රපටය නිර්මාණය කොට මේ වසරට අවුරුදු 29 ක්. එදා මං ඒ අංග රචනා ශිල්පියා විදිහට චිත්‍රපටයේ සාර්ථකත්වයට බෙහෙවින් උදව් කළා. ඊට වසර 29 කට පසු ගඟ අද්දර ටෙලි නාට්‍යයෙත් අංග රචනා ශිල්පියා මමයි. ඇත්තටම ඒක කෙනෙකුට හිමි වන විරළ අවස්ථාවක්.
 
කොහොමද නව පරපුර සමඟ ගනුදෙනු කිරීම?
 
නව පරපුර දක්ෂයි. මා ක්ෂේත්‍රයට පිවිස දැනට දශක පහකට ආසන්නයි. පරම්පරා පහක් එක්ක වැඩ කළා. අලුත් අයත් එක්ක වැඩ කරන්න ලැබීම එක්තරා අයුරක සතුටක්.
 
අපි යමුද ඒ දශක පහක අතීතය මතක් කරන්න?
 
බොහෝ දෙනෙකු නොදන්න කතාවක් මේක. මං මුලින්ම ක්ෂේත්‍රයට පිවිසුනේ රංගන ශිල්පියකු වෙන්න හිතාගෙන. ඒ කාලයේ මගෙ ඔළුවෙ වැඩ කළේ නළු පිස්සුව. නුවර, පාතදුම්බර මගෙ ගමේ ඉඳලා කොළඹ ආවා සෙරන්ඩිබ් චිත්‍රපට සමාගමට. ඒක පවත්වාගෙන ගියේ ආතර් සී. ක්ලාක්, ශේෂා පළිහක්කාර, රවී ජයවර්ධන ඇතුළු පිරිසක්. මං ඒ අයව මුණ ගැසිලා මගෙ සිතේ ඇති ආසාව කිව්වා. ඒක අහලා ශේෂා මහතා මට කිව්ව දේ අදටත් මට මතකයි.
 
ඔහු කිව්වා ‘උඹ නළුවෙක් වෙන්න එපා, දෑතෙ රස්සාවක් කරපන’ කියලා. ඔහු සෙරන්ඩිබ් ආයතනයේ වැඩ කරන්න අවස්ථාවක් සලසා දුන්නා. පඩිය රුපියල් හැටයි. කලා අධ්‍යක්ෂවරයාගේ සහායකයා ලෙසයි මං මුලින්ම වැඩ කළේ.
 
එතකොට අංග රචනා ශිල්පියකු වුණේ?
 
කලා අධ්‍යක්ෂණයේ යෙදෙමින් කාලයක් හිටියා. ඉන් පසුව චිත්‍රපටවල ආලෝකකරණයට උදව් කළා. ට්‍රැක් ඩොලි තල්ලු කළා. මේවායේ යෙදෙමින් සිටින අතරතුරදී හැම දෙයක් පිළිබඳ ඉගෙන ගත්තා. මෙහෙම ක්ෂේත්‍රය තුළ කාලයක් සැරිසරමින් ඉන්න කොට සහය අංග රචනා ශිල්පියකු වුණා. එහෙම ඉන්න කොට අංග රචනය පිළිබඳ මගෙ සිතෙහි අන් අංශයන්ට වඩා වැඩි ආසාවක් ඇති වුණා. සහාය ශිල්පියකු ලෙසත් චිත්‍රපට ගණනාවක වැඩ කිරීමෙන් අනතුරුවයි අංග රචනා ශිල්පියකු වුණේ.
 
ඔබ මුලින්ම වෙස් ගන්වන්නේ බොහොම අපූරු පුද්ගලයකුව?
 
ජෝ අබේවික්‍රවයි මං මුලින්ම මේකප් දැම්මේ. ඒ සාරවිට චිත්‍රපටයට. එකල නළුවන් බොහොම කඩවසම්, සුදුයි. ඒ අයට මේකප් දාන්න ලේසියි. ජෝ හැකියාවටම ආපු නළුවෙක්. ඔහු සතු රූපයත් සමඟ මං ටිකක් හිතුවා. ඒ අභියෝගය මං ජය ගත්තා. සාරවිට චිත්‍රපටය නැරැඹූ බොහෝ දෙනා ජෝට යොදා ගත්ත අංග රචනා ක්‍රම සහ විධි ගැන කතා කළේ ප්‍රශංසා මුඛයෙන්.
 
සාරවිටෙන් පසුව?
 
හුළවාලි, පරසතු මල්, දෑස නිසා, කොටි වලිගය, බැද්දේගම, දහසක් සිතුවිලි, නොමියෙන මිනිසුන්, අහසෙන් පොළවට, ආකාස කුසුම්, මී මැස්සෝ ඇතුළු චිත්‍රපට සියයක පමණ ඉන් පසුව මං වැඩ කළා. මේ සෑම චිත්‍රපටයක් සඳහා මං භාවිත කළ අංග රචනා ශිල්ප ක්‍රම එකිනෙකට වෙනස්. ඉන් සමහරක් ම’විසින්ම සොයා ගත් ඒවා.
 
චිත්‍රපටයකට මේක්ප් අවශ්‍ය ඇයි?
 
අද සමහර අංග රචනා ශිල්පීන් ඉන්නවා වේශ නිරූපණය වුවමනා ඇයි කියලාවත් නොදන්න.
 
වේශ නිරූපණය කියන සංකල්පය ආවේ මෙහෙමයි. ඉස්සර කළු සුදු චිත්‍රපටනේ තිබුණේ. ඒ චිත්‍රපටයක සුදු මිනිසෙකුයි කළු මිනිසෙකුයි රඟපාද්දී දෙදෙනාගේ වෙනස හොඳට තේරෙනවා. සුදු මිනිසාගේ රුවට සමානව ඊට වඩා පැහැය අඩු මිනිසාව ගෙන ඒමටයි මේකප් යොදා ගත්තේ. පසුකාලීනව මුහුණේ හැඩතල මනාව පෙන්නුම් කිරීමට, දර්ශනයක කිහිප දෙනෙකු සිටිනවා නම් ඒ අයගේ මුහුණේ පැහැය එක සමාන මට්ටමකට ගේන්නයි වෙස් ගැන්වීම අවශ්‍ය. නැතුව නිකම් කෙනෙකුව ලස්සන කරන්න නෙවෙයි.
 
අප සිනමා අඹරේ පෑයූ තරු බොහොමයක දීප්තිය විහිදුවන්න ඔබ බොහෝ සෙයින් උදව් කළා?
 
ඒක නම් එහෙම තමයි. රුක්මණී දේවි, එඩී ජයමාන්න, ගාමිණී ෆොන්සේකා, ජෝ අබේවික්‍රම, මාලිනී ෆොන්සේකා, අනුලා කරුණාතිලක, විජය කුමාරණතුංග, ටෝනි රණසිංහ වැනි අයව මං මේකප් කරලා තියනවා. ඔවුන් සමඟ ගත කළේ බොහොම සුන්දර කාල පරිච්ඡේදයක්. මේ එක් එක් අය වෙනුවෙන් වෙන වෙනම මං මහන්සි වුණා. ඒ බව ඔවුන්ද දැන සිටියා. ඒ අය අතරින් තවමත් ජීවත්වෙලා ඉන්න අය තවමත් මාත් එක්ක වැඩ කරන්න කැමැතියි. ඒත් දශක ගණනක් ක්ෂේත්‍රයේ හිටියත් පුංචි දුකකුත් හිතේ් නැතුවාම නෙවෙයි.
 
ඒ ඇයි?
 
කලා ක්ෂේත්‍රයේ අංශ පිළිබඳ හදාරන්න අපට ආයතන නැහැ. ඉන්දියාවේ පුණාහී චිත්‍රපට ආයතනයට ගිහින් ඉගෙන ගත්ත කීයෙන් කීදෙනාද ක්ෂේත්‍රයේ ඉන්නේ? අපේ නවකයන්ට තැනක් නැහැ ඉගෙන ගන්න. ඉතින් ස්ව උත්සාහායෙන් තමයි එළියට එන්න ඕනේ.
 
අනික ක්ෂේත්‍රයට පිවිසුන ගමන් අංග රචනා ශිල්පියකු වෙන්නට බැහැ. සහය අංග රචනා ශිල්පියකු වශයෙන් අවුරුදු දහයක්වත් සේවය කළ යුතුයි. ඒ ලංකාවේ තත්ත්වය මත. එහෙමවත් නොඉන්නා අය ක්ෂේත්‍රයට ඇවිත් කරන විනාශය අති මහත්. මේවා මට පේන්න තියෙන දේවල්. අද පිරිමියෙකුට දාන මේකප් ගැහැනු කෙනෙකුට දානවා. එහෙම කරන්න බැහැ. බොහෝ නිර්මාණ අසාර්ථක ඒකයි.
 
ඉහත තත්ත්වය අවම කිරීමට ප්‍රවීණ ශිල්පියකු වශයෙන් ඔබේ සිතෙත් අදහස් කිහිපයක් ඇති?
 
මේ තත්ත්වය මග හරවා ගැනීමට අප වැනි ශිල්පීන් ටිකට විතරක් බැහැ. ඊට අදාළ වගකිවයුතු බලධාරීන් සිටිනවා. ඔවුන් තමයි පිළියම් යොදන්න ඕනෑ. පූර්ණ සහයෝගය අපි දෙනවා. ආයෙ වචන දෙකක් නැහැ. මේ වෙලාවෙ මට එක්තරා උදාහරණයක් මතක් වෙනවා. මං මීට කලකට ඉහත දී ජර්මනියට ගියා. එහිදී ඒ රටේ මේකප් ආර්ටිස්ලා දෙන්නෙක් එක්ක වැඩ කළා.
 
ඒ අයගේ ශිල්ප ක්‍රම දැකලා මං පුදුම වුණා. ඉතින් මම කළේ ඔවුන්ගෙන් රහසින්ම ඒ ශිල්පවලින් බොහොමයක් ඉගෙන ගැනීම පමණයි.
 
හෙට දිනය?
 
මං දැනට දශක පහක් තිස්සේ කලාවේ ඉන්නවා. මට කලින් ආපු, මට පස්සෙ ආපු බොහෝ දෙනෙකු අද ජීවතුන් අතර නැහැ. ඒත් මං තවම වැඩ. මට තවම තනිවම මේකප් කරන්න පුළුවන් ඕන කෙනෙකුට. ඒත් මං ආසයි තවමත් ඉගෙන ගන්න. තවමත් ක්ෂේත්‍රය හදාරනවා. මේ දිනවල නම් ගඟ අද්දර නාට්‍යයට අමරව සිද්ධාර්ථ චිත්‍රපටයේත් ප්‍රධාන අංග රචනා ශිල්පියා විදිහට වැඩ කරනවා.
 
සටහන – ප්‍රසාද් සමරතුංග
 
Photo Gallery
Films
Actor
No Year Name Character Director
1 ) 1988 Angulimala Baptist Fernando
2 ) 2001 Oba Magema Wewa V. Siwadasan
3 ) 1992 Sisila Ginigani Prasanna Vithanage
4 ) 1978 Ahasin Polovata Dr. Lester James Peries
5 ) 1980 Siribo Ayya Sunil Ariyarathna
6 ) 1988 Amme Oba Nisa Anton Kingsley
7 ) 2001 Oba Magema Wewa V. Siwadasan
8 ) 1994 Nomiyena Minisun Gamini Fonseka
9 ) 1986 Koti Valigaya Gamini Fonseka
Script
No Year Name Character Director
1 ) 2009 Bindu Somarathna Dissanayake
Make-up Artists
No Year Name Character Director
1 ) 1974 Sanakeliya Herbert Ranjith Peiris
2 ) 1976 Hulavali W.A.B. De Silva
3 ) 1980 Parithyaga H.D. Premarathna
4 ) 1981 Beddegama Dr. Lester James Peries
5 ) 1993 Surabidena Chandrarathna Mapitigama
6 ) 1995 Demodara Palama Dinesh Priyasad
7 ) 1995 Edath Chandiya Adath Chandiya V. Siwadasan
8 ) 1995 Cheriyo Captain Roy De Silva
9 ) 1996 Bithu Sithuwam Milton Jayawardhana
10 ) 1996 Mal Hathai Hemasiri Sellapperuma
11 ) 1996 Thunweni Aha Anura Chandrasiri
12 ) 1996 Manamohini Hemasiri Sellapperuma
13 ) 2001 Oba Magema Wewa V. Siwadasan
14 ) 2001 Purahanda Kaluwara Prasanna Vithanage
15 ) 2001 Anantha Rathriya Prasanna Vithanage
16 ) 2002 Bahu Boothayo Udayakantha Warnasuriya
17 ) 2004 Sooriya Arana Somarathna Dissanayake
18 ) 2004 Diya Yata Gindara Udayakantha Warnasuriya
19 ) 2004 Randiya Dahara Udayakantha Warnasuriya
20 ) 2006 Hiri Poda Wessa Udayakantha Warnasuriya
21 ) 2007 Hai Master Ranjith Siriwardhana
22 ) 2008 Machan Uberto Pasolini
23 ) 2015 Oba Nethuwa Oba Ekka Prasanna Vithanage
24 ) 2018 Vaishnavee Sumithra Peiris
Facebook Comments
Awards
Ebert Wijesinghe
Reviewed by films.lk on 2018-10-18 .
Rating: 2.9
 
A project by isandi CREATIONS