Artists
Fans : 3 Piyadasa Gunasekara -

Known As : Piyadasa Gunasekara
Real Name : Piyadasa Gunasekara
Died : --
First Released : Sirisangabo 1952
Latest Released : Maubima Nathnam Maranaya
1985

Share on Google+ Share on twitt

Biography

 ඩොමී ජයවර්ධන හැරුණු කොට සිංහල සිනමාවේ එතෙක් මෙතෙක් බිහි වූ විශිෂ්ටතම දුෂ්්ට නළුවා ලෙස සැලකිය හැක්කේ පියදාස ගුණසේකර යැයි මම සිතමි. ඔහු දෙවැනි වූවා නම් දෙවැනි වූයේ ඇත්ත වශයෙන්ම ඩොමීට පමණකි.

 
පියදාස සිනමාවට ප්‍රවිෂ්ට වූයේ ‘සැඩසුළං’ චිත්‍රපටයෙන් බව බොහෝ දෙනකු අදහස් කරනවා විය හැකිය. එසේ වුවත් ඔහු මියයන්ට වසර තුනකට ඉහතදී (1977 දී) ගුවන් විදුලියේ ප්‍රවීණ නිවේදක පාලිත සමරසිංහ සමඟ කළ පිළිසඳරකදී කියා සිටියේ තමා ‘සිරිසඟබෝ’ චිත්‍රපටයෙන් සිනමා රංගනයට පිවිසුණු බවයි. මේ චිත්‍රපටයේ සුවිශේෂත්වයක් ද තිබිණි. එනම් එහි කතාව හා දෙබස් බෞද්ධ භික්ෂුවක විසින් ලියනු ලැබීමයි. ඒ වතුරේගම සෝමාලංකාර හිමිය.
 
එසේ වුවත් පියදාස නළුවකු ලෙස ප්‍රථම වතාවට කැපී පෙනුණේ ‘සැඩසුළං’ චිත්‍රපටයේ ඇක්මන්ගේ චරිතයෙනි. එය ගණන්කාර චරිතයක් විය. ‘සැඩ සුළං’ විවේචනයට ලක් කළ ප්‍රකට සිනමා විචාරක ජයවිලාල් විලේගොඩ කියා සිටියේ සිනමාපටයේ හොඳම නළුවා පියදාස බවයි.
 
1915 දී මරදාන මාලිගාකන්දේ උපන් පියදාසගේ සම්පූර්ණ නම වූයේ හිල්ල ලියනගේ දොන් පියදාස ගුණසේකරය. මූලික අධ්‍යාපනය ලැබුවේ කොළඹ ආනන්ද විදුහලෙනි. සිනමාවට එළැඹෙන්නට පෙර ඔහු වේදිකා නාට්‍ය කීපයක රඟපා ඇත. සිරිසේන විමලවීරගේ ‘රොඩී කෙල්ල’, ‘ශ්‍රී සමුද්‍ර දේවි’ වැනි නාට්‍ය ඒ අතර වෙයි.
 
පියදාස තරුණ වියේදී ට්‍රෑම් රථ රියැදුරකු වශයෙන් රැකියාවක නිරත වූ අතර දෙවැනි ලෝක මහා යුද්ධ සමයේදී සෙබළකු ලෙස ද සම්බන්ධ වී කටයුතු කර තිබේ.
 
‘සැඩසුළං’ චිත්‍රපටයෙන් රසික අවධානය පෘථුල ලෙස දිනා ගත් පියදාස ඉන් පසු ‘වනමෝහිනි’ චිත්‍රපටයේ පූසාරිගේ චරිතයෙන් එය තවදුරටත් වර්ධනය කර ගත්තේය.
 
මුලින්ම මේ චරිතය රඟපෑමට යෝජනාවී සිටියේ ලැඩී රණසිංහය. එහෙත් ඒ සඳහා ඔහු අධික මුදලක් ඉල්ලා සිටි බැවින් නිෂ්පාදකවරු ඒ චරිතයට පියදාස යොදා ගත්හ. ‘වනමෝහිනි’ චිත්‍රපටයේ මහාදේවි – මහාදේවි’ යැයි කියමින් පියදාස ඉදිරිපත් කළ රංගනය අදත් පැරණි සිනමා ලෝලයෝ මහත් තෘප්තියකින් යුතුව සිහිපත් කරති.
 
අලියකු විසින් පියදාස පාගා මරා දමනු ලබන අති බිහිසුණු දර්ශනයක් ‘වනමෝහිනි’ චිත්‍රපටයේ එයි. එම දර්ශනය සිනමාහලේ දුටු පියදාසගේ මවට සිහිමුර්ජා වී ඇති අතර ඔහුගේ බිරිය යටි ගිරියෙන් කෑගසා ඇත. එය සිනමාවේ සාමාජික ප්‍රතික්‍රියා විග්‍රහ කළ හැකි මාහැඟි නිදර්ශනයක් වන්නේය. ඩොමී, පියදාස වැනි නළුවන් මොන තරම් දක්ෂ ලෙස (තාත්වික ලෙස) දුෂ්ට චරිතවලට භාවාත්මකව සමවැදුණේ ද කිවහොත් බොහෝ සිනමා රසිකයන් සැබෑ ජීවිතයේදී පවා ඔවුන් දුටු විට පිළිකුල් සහගත දෘෂ්ටියක් හෙළා ඇත.
 
පියදාස හැටේ දශකයේදී ‘හඳපාන’, ‘සාරවිට’, ‘සැනසුම කොතැනද’, ‘සොරුන්ගෙත් සොරු’, ‘රෑන ගිරව්’, ‘කපටිකම’ ‘බඩුත් එක්ක හොරු’ වැනි චිත්‍රපටවල ද රඟපෑවේය. එයින් ‘සැනසුම කොතැන ද’ චිත්‍රපටයේ ඔහු රඟපෑවේ අහිංසක චරිතයක් විම විශේෂත්වයකි. මාටින් නම් වූ එම චරිතය දොස්තර රාජා (ගාමිණී ෆොන්සේකා) රෝද පුටුවට වැටුණු පසු ඔහුට සත්කාර කරන්නෙකි. පියදාස කැපී පෙනෙන චරිතයක් රඟපෑ සිනමා පටයක් වූයේ ‘බිනරමලී’ය. එහි වෙඩික්කාරයා වූයේ ඔහුය. මෙහි ආරච්චිල ලෙස රඟපෑවේ ඩී. ආර්. නානායක්කාරය. පියදාස, ඩී. ආර්. දෙදෙනාම දක්ෂ චරිතාංග නළුවෝ වූහ. ‘බිනරමලී’ ඔවුන් දෙදෙනා කරට කර රඟපෑ චිත්‍රපටයකි.
 
මෙහි රඟපෑම් සඳහා පියදාස 1970 ‘සරසවිය’ සම්මාන උළෙලේ දී හොඳම සහාය නළුවා වශයෙන් සම්මාන ලැබුවේය.
 
සිය සිනමා රංග කලා ජීවිතයේ පියදාස ඉදිරිපත් කළ අති විශිෂ්ට චරිතාංග නිරූපණය වන්නේ ‘හාරලක්සේ’ චිත්‍රපටයේ ජේම්ස් සෙනෙවිරත්න ලෙස කළ රංගනයයි. හාරලක්සේ මංකොල්ලයේ ප්‍රධාන සැලසුම්කරුවා වූයේ ජේම්ස් සෙනෙවිරත්නය. පියදාස මේ චරිතයේ සූක්ෂ්මතා මැනවින් වටහාගෙන එය ප්‍රබල ලෙස ජීවමාන කළේය.
 
නළුවකුගේ හෝ නිළියකගේ ප්‍රධාන කැන්වසය තම මුහුණයි. ඔවුන් චතුර්විධ අභින දක්වන්නේ ප්‍රධාන වශයෙන්ම මුහුණ උපයෝගී කරගෙනය. ඕනෑම ආකාරයකට හැඟීම් ප්‍රකාශ කළ හැකි මුහුණක් සතුව තිබීම පියදාසගේ අති සුවිශේෂත්වයක් විය. එය වඩාත් වැදගත් වූයේ එය ආයාසයකින් කළ යුතු දෙයක් නොවීමයි.
 
චිත්‍රපට කීපයකම (විශේෂයෙන් ‘වනමෝහිනි’, ‘බිනරමලි’, ‘හාරලක්සේ’ හා ‘මාහේනේ රීරි යකා’) පියදාස ත්‍රාසජනක අවස්ථාවන්ට මුහුණ දෙමින් ජීවිතය බේරා ගත්තේ අනූනවයෙනි.
 
ඩී. ආර්. නානායක්කාර, ඩොමී ජයවර්ධන, හර්බට් අමරවික්‍රම, සම්පත් ශ්‍රී නන්දලෝචන වැනි නළුවන්ගෙන් මෙන්ම පියදාසගෙන් ද රංගන හැකියාව ප්‍රබල ලෙස මතු කර ගත් අධ්‍යක්ෂවරයකු වූයේ කේ. ඒ. ඩබ්ලිව්. පෙරේරාය. ඔහුගේ ‘සැනසුම කොතැනද’, ‘ළසඳා’ (සිල්වා) හා ‘හිඟන කොල්ලා’ (පේදරු) වැනි චිත්‍රපටවල පියදාසගේ මාහැඟි රඟපෑම් දක්නට ලැබේ.
 
‘බිනරමලී’ චිත්‍රපටයේ රඟපෑම් වෙනුවෙන් ලැබූ හොඳම සහාය නළුවා සඳහා වන සම්මානය හැරුණු කොට පියදාස තවත් සම්මාන දෙකකට හිමිකම් කියා ඇත. ඒ 1965 වසරේ පැවති එක්සත් ලංකා රසික සංගමයේ සම්මාන උළෙලේදී හොඳම සහාය නළුවා (‘සුබසරණ සැප සිතේ’ චිත්‍රපටය වෙනුවෙන්) සහ 1974 දීපශිඛා සම්මාන උළෙලේ විශේෂ බහුමාන සම්මානයයි.
 
පියදාස විදෙස් චිත්‍රපට කීපයක ද රඟපා ඇත. ‘එලිපන්ට් බෝයි’ චිත්‍රපටය එවැන්නකි.
 
එසේම ඔහු ‘පර්පල් ප්ලේන්’, ‘එලිපන්ට් වෝක්’, ‘ස්ටාර් ඕවර් කලම්බු’ වැනි විදෙස් සිනමාපටවලට ද නොයෙක් ආකාරයෙන් සම්බන්ධ වී ඇත.
 
1980 දී පියදාස මෙලොව හැර ගියේය. බොරැල්ල කනත්තේදී සිදු කළ ඔහුගේ් අවමඟුල් උළෙලේදී කතා කළ ප්‍රකට සාහිත්‍යධරයකු හා දේශපාලනඥයකු වූ ටී. බී. ඉලංගරත්න මහතා, පියදාස ජන හදවත් දිනූ ශ්‍රේ්ෂ්ඨ කලාකරුවකු බව කියා සිටියේය.
 
- සුනිල් මිහිඳුකුල
 
Photo Gallery
Films
Main Actor / Actor
No Year Name Character Director
1 ) 1971 Mahene Reeri Yaka Kithsiri Nihal Jayasinghe
2 ) 1977 Hithuvoth Hithuvaamai Lenin Morais
3 ) 1979 Divi Thibena Thuru N.P. Jayatissa
4 ) 1959 Sihinaya T. Janaki Ram
5 ) 1968 Wanasara L.S. Ramachandran
6 ) 1982 Re Manamali Gamini Fonseka
7 ) 1969 Baduth Ekka Horu Ranjith Senaweera
8 ) 1955 Sedasulan T. Somasekaran
9 ) 1957 Surasena S.M.S. Naidu
10 ) 1958 Deyyange Rate L.S. Ramachandran
11 ) 1958 Vanamohini A.B. Raja
12 ) 1963 Deepashika Kingsly Rajapaksha
13 ) 1964 Subasarana Sapa Sithe T. Somasekaran
14 ) 1965 Handapana Kingsly Rajapaksha
15 ) 1965 Saaravita Tissa Liyanasuriya
16 ) 1966 Sangavena Sevanella Robin Thampoe
17 ) 1966 Kolamba Hadayo Roland Amarasinghe
18 ) 1966 Maha Re Hamuwu Sthriya K. Wendasagalam
19 ) 1966 Athulveema Thahanam M.S. Anandan
20 ) 1966 Kapatikama K.A.W. Perera
21 ) 1966 Sampatha S. Ramanadhan
22 ) 1967 Hathara Kendare L.M. Perera
23 ) 1967 Sorungeth Soru Mike Wilson
24 ) 1967 Daru Duka Domy Jayawardena
25 ) 1967 Sadol Kandulu Regie Perera
26 ) 1967 Sadol Kandulu Regie Perera
27 ) 1967 Rena Girawu Dharma Sri Kaldera
28 ) 1968 Pinibindu Chula Palagolla
29 ) 1968 Hangi Hora Rohini Jayakodi
30 ) 1968 Dehadaka Duka Robin Thampoe
31 ) 1969 Hari Maga D.M. Daas
32 ) 1969 Binaramalee Mudalinawaka Somarathna
33 ) 1969 Paara Walalu Sudath Maskorala
34 ) 1969 Romio-Juliet Kathawak G.D.L. Perera
35 ) 1970 Nim Walalla Ranjith Lal
36 ) 1971 Dewena Pipasaya Thimothy Weerarathna
37 ) 1972 Hathara Wate L.M. Perera
38 ) 1972 Vana Raaja William Blakes
39 ) 1973 Aparadaya saha Daduwama K.A.W. Perera
40 ) 1974 Sihasuna Titus Totawatte
41 ) 1974 Kalyani Ganga Dharma Sri Kaldera
42 ) 1974 Jeewana Ganga Dayananda Rodrigo
43 ) 1975 Obai Mamai Joe Dev Ananda
44 ) 1975 Sikuruliya H.D. Premarathna
45 ) 1978 Sasara K.A.W. Perera
46 ) 1977 Tom Pachaya Roy De Silva
47 ) 1977 Vanagatha Kella Henry Chandrawansa
48 ) 1978 Janaka Saha Manju K.A.W. Perera
49 ) 1978 Vishmaya Charles Perera
50 ) 1976 Nedeyo K.A.W. Perera
51 ) 1977 Hariyanakota Ohoma Thamai Gamini Hewawitharana
52 ) 1977 Niluka K. Vencut
53 ) 1977 Saja Syril P. Abeyrathna
54 ) 1979 Higana Kolla K.A.W. Perera
55 ) 1979 Raja Kollo Gunasiri Senanayaka
56 ) 1979 Sugandi Dayananda Rodrigo
57 ) 1979 Sawudan Jema Jayantha Pulin Samarasinghe
58 ) 1982 Miss Mallika Anton Gregory
59 ) 1980 Seetha Sherly P.Wijerathna
60 ) 1982 Sanda Stanley Perera
61 ) 1952 Sirisangabo Wernan Jayawardana
62 ) 1985 Maubima Nathnam Maranaya Luvi Vandastratan
63 ) 1982 Sudu Ayya S.V. Chandran
64 ) 1981 Ajasaththa Joe Micheal
65 ) 1980 Raja Dawasak Thimothy Weerarathna
66 ) 1980 Muwan Palassa II Yasapalitha Nanayakkara
67 ) 1980 Sasaraka Pethum H.D. Premarathna
68 ) 1974 Lasanda K.A.W. Perera
69 ) 1972 Veeduru Geval Daya Wimalaweera
70 ) 1965 Hitha Giya Thena Herbert Rupasinghe
71 ) 1966 Senasuma Kothanada K.A.W. Perera
Fans
UDAYA
preethi
Facebook Comments
Comments
- Posts : 264 (Since :)
 
one of the greatest in sinhala cinema although not received the deserved due appreciations and proper characters in high class movies.
- Posts : 264 (Since :)
 
ප්‍රිය සහෝදර / සහෝදරියනි, අසහාය නළු පියදාස ගුණසේකරගේ මුනුපුරා වන මා, ඔහුගේ වාසගමෙහි යම් පරස්පර භාවයක් ඔබගේ වෙබ් අඩවියේ, ඔහුගේ පිටුවේ ජීව දත්ත වලින් පෙන්නුම් කරය්. නිවෑටදි නම හීල්ලී ලියන ආරච්චිලාගේ දොන් පියදාස ගුණසේකර ය. ඔබ විසින් මේ කරන මහඟු කාර්ය ඉතා අගයකොට සලකන අතර, ඔබට මෙම වෙබ් අඩවිය සාර්තකව දිගු දුරක් යෑමට සියලු ශක්තිය ලෑබේව ස්තූතී මේයට අසංක මලීන් ගුණසේකර
- Posts : 264 (Since :)
 
ප්‍රිය සහෝදර / සහෝදරියනි, අසහාය නළු පියදාස ගුණසේකරගේ මුනුපුරා වන මා, ඔහුගේ වාසගමෙහි යම් පරස්පර භාවයක් ඔබගේ වෙබ් අඩවියේ, ඔහුගේ පිටුවේ ජීව දත්ත වලින් පෙන්නුම් කරය්. නිවෑටදි නම හීල්ලී ලියන ආරච්චිලාගේ දොන් පියදාස ගුණසේකර ය. ඔබ විසින් මේ කරන මහඟු කාර්ය ඉතා අගයකොට සලකන අතර, ඔබට මෙම වෙබ් අඩවිය සාර්තකව දිගු දුරක් යෑමට සියලු ශක්තිය ලෑබේව ස්තූතී මේයට අසංක මලීන් ගුණසේකර
Awards
Piyadasa Gunasekara
Reviewed by films.lk on 2017-11-23 .
Rating: 3
 
A project by isandi CREATIONS