ආචාර්ය සෝමරත්න දිසානායක තිර රචනා කොට අධ්යක්ෂණය කළ ඔහුගේ නවතම සිනමාපටය වූ අන්ඩර් පෑන්ට් තීෆ් (ජංගි හොරා) දකුණු කොරියාවේ බූසන් නුවර පැවැත්වෙන බූසාන් අන්තර් ජාතික සිනමා උලෙළ සඳහා තෝරාගෙන තිබේ.
අධ්යක්ෂවරයා මේ වනවිටත් බුසාන් නුවරට ගොස් සිටියි. අන්ඩර් පෑන්ට් තීෆ් සෝමරත්නගේ සුපුරුදු සිනමා රාමුවෙන් ඔබ්බට ගොස් නිර්මාණය වූ චිත්රපටයකි. මානසික ව්යාධියෙන් පෙළෙන වැඩිහිටියකු පිළිබඳ කතාවක් රැගත් මෙම චිත්රපටය රැඟුම් පාලක මණ්ඩලය මඟින් වැඩිහිටියන්ට පමණක් ප්රදර්ශනයට අවසර ලබාදී තිබේ.
පුබුදු චතුරංග, දිල්හානි අශෝකමාලා, චින්තක කුලතුංග, බුද්ධි රන්දෙණිය ප්රධාන චරිත නිරූපණය කරන මෙහි කැමරා අධ්යක්ෂණය විශ්ව බාලසූරියගෙනි. අජිත් රාමනායක සංස්කරණ ශිල්පියාය. පි්රයන්ත කළුආරච්චි ශබ්ද සංකලයෙන් නිර්මාණය වූ මෙහි සහාය අධ්යක්ෂණයෙන් චාමර චින්තක සේලාර දායක විය.
ආචාර්ය රෝහණ වීරසිංහගේ සංගීත අධ්යක්ෂණයකි. විශාරද ශෂිකා නිසංසලා සහ විශාරද හර්ෂණ දිසානායක ගායනයෙන් දායක වූ අන්ඩර් පෑන්ට් තීෆ් රේණුකා බාලසූරියගේ නිෂ්පාදනයකි.
