DESCRIPTION
ශ්‍රී ලංකාවේ සිදුවන බිලිඳු දරුවන් විදේශකයින් හට අලෙවි කිරීමේ ජාවාරම පසුබිම් කරගනිමින් නිර්මාණය වී ඇති “විහඟ ප්‍රේමය”, සංජීව පුෂ්පකුමාර, අමිල් අබේසුන්දර හා ඉතාලියේ ෆිල්ග්‍රිම්ස් ආයතනයේ නිෂ්පාදනයකි.
සබීතා පෙරේරා, අකලංක ප්‍රභාෂ්වර, ඩිනාරා පුංචිහේවා, මහේන්ද්‍ර පෙරේරා, ඉතාලි ජාතික ලෝරන්ස්සෝ අක්කුවිවා, අමිත්ත වීරසිංහ, යශෝධා රසඳුනි, ඩිස්නි රාජපක්ෂ, ප්‍රින්සි ප්‍රනාන්දු, ප්‍රියංකා සමරවීර, මිලින්ද මඩුගල්ල යන අයගේ රංගනයෙන් හැඩවෙන “විහඟ ප්‍රේමය”හි කැමරාකරණය සිසිකිරණ පරණවිතානගෙනි. සංස්කරණයෙන් ඉතාලි ජාතික ගුසෙපේ ලියොනති සහ අජිත් රාමනායකත්, සංගීතය නිර්මාණයෙන් ඉතාලි ජාතික ක්‍රිස්ටියන් කාර්රාරාත්, කලා අධ්‍යක්ෂණයෙන් මංජුල අයගමත්, ඇඳුම් නිර්මාණයෙන් අජන්ත අලහකෝනුත්, ශබ්ද සංකලන‌යෙන් ඉතාලි ජාතික එරික් නාර්දීනුත්, ශබ්ද පටිගත කීරීම් හා ශබ්ද සංස්කරණයෙන් ලාල් දිසානායන සහ නන්දා නන්දි ජයකොඩිත්, නිෂ්පාදන කළමණාකරණයෙන් හැරල්ඩ් කරුණාතිලකත්, සහාය අධ්‍යක්ෂණයෙන් නිරෝෂන් එදිරිමාන්න සහ ඉඳුනිල් දැරණියගලත් දායකත්වය ලබා දී ඇති “විහඟ ප්‍රේමය”හි සම නිෂ්පාදනය සුරංග හඳපාන්ගොඩ, යුගන්ති යශෝදරා සහ සංගීතා නිල්නදී ගොඩගමගෙනි.
