සංස්කරණය, ශබ්ද නිර්මාණය, පසුබිම් සංගීතය සහ සංගීත අධ්‍යක්ෂණය ද කළ ලස්සන ජයසේකරගේ මංගල සිනමා අධ්‍යක්ෂණය මෙයයි. කැළුම් ආර්යන් රංගනයට අමතරව චිත්‍රපට නිෂ්පාදනය, කතාව, දෙබස් සහ තිර රචනය යන අංශවලින් ද දායක විය. ගිහාන් විරාජ් නරසිංහ කැමරාකරණයෙන් දායක වූ අතර නිසානි ජයසේකර සංස්කරණයෙන් සහ ශබ්ද පරිපාලනයෙන් දායක විය. චමින්ද හේවාවසම් සහාය අධ්‍යක්ෂණයෙන්ද, හේෂා මින්රාදි කලා අධ්‍යක්ෂණයෙන්ද, ආකේෂ් සදමින් විසින් වර්ණ සංයෝජනයෙන් සහ විශේෂ දෘශ්‍ය ප්‍රයෝග නිර්මාණය කර ඇත.

 

ෂෙරාන් පීරිස් සහ නිමල් කුලරත්න සම නිෂ්පාදනය කළා. ආසිරි චතුරංග චිත්‍රපටයේ වේශ නිරූපණය කළ අතර නිෂ්පාදන කළමනාකරණය ජැකී අපොන්සු විසින් සිදු කරන ලදී. ගීත රචනය අසංග සිල්වා සහ මැණික් ජයසිංහ විසින් සිදු කරන ලදී. ටෙඩී විද්‍යාලංකාර සහ කැළුම් ආර්යන් මෙහි ප්‍රයෝග අධ්‍යක්ෂණය කළහ. තරිඳු නිර්මාණ කරුණානායක, මනේජ් සංජය, පවනි පෙරේරා, හර්ෂ එරන්ද විතානගේ පසුබිම් ගායනය කළා.

 

චිත්‍රපටයේ රූගත කිරීම් 2022 මැයි සිට සැප්තැම්බර් දක්වා ආරම්භ විය. මේ අතර ප්‍රධාන නළු කැළුම් ආර්යන් ක්‍රියාදාම දර්ශනයක රූගත කිරීම් අතරතුර හදිසි අනතුරක් හේතුවෙන් රෝහල් ගත කරන ලදී. චිත්‍රපටයේ පූර්ව ප්‍රචාරක පටය 2022 නොවැම්බර් මාසයේදී නිකුත් කරන ලදී. චිත්‍රපටය 2024 ජනවාරි 4 වන දින EAP සහ MPI සිනමාහල්වල නිකුත් කරන ලදී.