Gnananga Gunawardana

කලපුගේ දොන් ඥනාංග ගුණවර්ධන සිනමාවට අවතීර්ණ වූයේ පරාක්‍රම ද සිල්වාගේ ‘සෙවණැලි ඇද මිනිස්සු’ සිනමාපටයෙනි. ඔහුගේ සිනමා රංගන දිවියේ සුවිශේෂී සන්ධිස්ථාන ඉස්මතු වූයේ එච්.ඩී ප්‍රේමරත්නයන් අධ්‍යක්ෂණය කළ කුලගෙය, සප්ත කන්‍යා, සෙයිලම යන සිනමාපට තුළිනි. ඔහුටම ආවේණික වූ සුදු කෙස් වැටිය නිසා වැඩිහිටි චරිත රඟපෑමේ සමතෙක් විය. ඔහු වීසිදැල චිත්‍රපටයේ පොලිස් නිලධාරියෙකි, අනන්ත රාත්‍රියේ ස්ත්‍රී ලෝලියෙකි.

ඥානාංග ගුණවර්ධන නම් මේ සුවිශේෂී කලාකරුවා පසුකලක ටෙලි නාට්‍ය ක්ෂේත්‍රයට නැතුවම බැරි චරිතයක් බවට පත්විය. ඔහුටම ආවේණික රංග ශෛලිය නිසා හාස්‍ය මුසු වූ භූමිකා හේ බහුලව රඟපෑවේය සිහින දනව්ව, නේත්‍රාංජලී, තට්ටුගෙවල්, චාතූර්යා, සිත නිවන කතා ඔහු රඟපෑ ටෙලි නාට්‍ය අතරට එකතුවේ.

1980 සෙවණැලි ඇද මිනිස්සු 1992 කුලගෙය 1993 සප්ත කන්‍යා 1995 සෙයිලම, මාරුතය 1996 හිත හොඳ ගැහැනියක් 1997 තරණය, වීසිදැල, නින්ජා ශ්‍රී ලංකා, 1998 දැහැන, අන්තිම රැය 1999 මන්දාකිනි, සත්‍යා දේවි, 2001 කිණිහිරියා මල්, අනන්ත රාත්‍රිය 2002 අරුමෝසම් වැහි, 2003 සුදු සළු ඔහු රඟපෑ සිනමාපට අතර වේ.