| 1 | පුදුම ලේලි නිළිය | 1953 |
| 2 | සැඩසුලන් නිළිය | 1955 |
| 3 | සිරකරුවා නිළිය | 1957 |
| 4 | දස්කම නිළිය | 1958 |
| 5 | කොළඹ හාදයෝ නිළිය | 1966 |
| 6 | වහල් දූපත ප්‍රධාන නළුවා | 1968 |
| 7 | සිද්දියෙන් හයක් ප්‍රධාන නිළිය | 1970 |
| 8 | ගිජුලිහිණියෝ නිළිය | 1975 |
| 1 | වහල් දූපත අධ්‍යක්ෂණය / නිෂ්පාදනය / තිර රචනය / සටන් අධ්‍යක්ෂණය / නර්තන අධ්‍යක්ෂණය | 1968 |
| 2 | සිද්දියෙන් හයක් අධ්‍යක්ෂණය / නිෂ්පාදනය / කතාව / තිර රචනය / සටන් අධ්‍යක්ෂණය / නර්තන අධ්‍යක්ෂණය | 1970 |
ප‍්‍රවීණ චිත්රපට අධ්‍යක්ෂවරයෙකු මෙන්ම ජනප‍්‍රිය නළුවෙකු වූ ශාන්ති අබේසේකර මහතා ඊයේ (28දා) අළුයම අභාවප‍්‍රාප්ත විය. මිය යන විට 83 වැනි වියේ පසුවූ ඒ මහතා ගායන ශිල්පියෙකු ලෙසද කටයුතු කර ඇත. ප‍්‍රවීණ ගායිකාවකව සිට නැසීගිය වසන්තා සන්දනායක මහත්මියගේ බෑණනුවන් වන ඔහු විවාහව සිටියේ ප‍්‍රවීණ ගායිකා දයා හේමන්තා සන්දනායක සමඟිනි.
ඔහු සධානා, සුප‍්‍රියා, සංජය, සුදේව්, ෂර්මිලා, සංජානා සහ සජනි යන දරුවන් හත් දෙනෙකුගේ ආදරණීය පියාණන් විය.
ඔහු අධ්‍යක්ෂණය කළ චිත්රපට වූයේ වහල් දුපත සහ සිදාදියෙන් හයක් යන චිත්රපට යුගලයි. හිඟන කෙල්ලා සහ ජන ශක්ති නමින් චිත්රපට දෙකක් රූපගත කිරීම ආරම්භ කළ නමුදු ඒවා නිම කිරීමට නොහැකි විය. චිත්රපට නළුවෙකු ලෙස දස්කම, සිරකරුවා, සැඩසුළං, ගිජු ළිහිණියෝ, කොළඹ හාදයෝ, වහල් දූපත, සිදාදියෙන් හයක්, දාමරිකයෝ ඇතුළු චිත්රපට රැුසකට සිය රංගන දායකත්වය දක්වා ඇත. ඔහු ගායන ශිල්පියෙකු ලෙස ජීවිතේ අපේ සුහද මල් පිපී, මේ රාත‍්‍රියේ මිහිරෙන් චමත්කාර වීලා, ජීවිතේ රන් විමානයේ, ලස්සන මලකින් පැණිගෙන, නිල්මිණි රන්තරු දෑසේ ඇතුළු ගීත කිහිපයක්ම ගායනා කර ඇත. කලක් දේශපාලන භූමිකාවේද නිරතව සිටි ඔහුගේ දියණියන් දෙදෙනෙකු වන සධානා සහ සුප‍්‍රියා ගායන ලොව ඉහළින්ම ජය ගැනීමට සමත්ව ඇත. අපි ඔහුට නිවන් සුව ප‍්‍රාර්ථනා කරමු.
සටහන ඇන්ටන් ජේ. ප‍්‍රනාන්දු
