මෙරට කීර්තිමත් සිනමා පුවත්පත් කතුවරයකු හා ප්රකට චිත්රපට කතා දෙබස් රචකයකු ද වූ ආරියරත්න කහවිටයන්ගේ වියෝවීම ද මෙම 21 වැනිදාට යෙදී තිබේ.
පාසල් සමයේ සිට ‘මම තරුව’, ‘වීණා’, ‘චිත්රපට ලෝකය’ වැනි පුවත්පත්, සඟරාවලට ලිපි සැපයූ කහවිටයන් පසුව විමලදාස පෙරේරා මහතා සමඟින් ‘විනෝදය’ චිත්රපට සඟරාව සංස්කරණය කළේය. පසුව තාරකා හා සිනමාදීප නමින් චිත්රපට සඟරා දෙකක් සංස්කරණය කළ ඔහු 1955 දී ‘කලා’ සඟරාවේ සංස්කාරකවරයා විය.
මහ රෑ හමු වූ ස්ත්රිය චිත්රපටයෙන් සිනමා දෙබස් රචනය ඇරඹූ ඔහු හතර දෙනාම සූරයේ, හොඳම වෙලාව, ආදරේ හිතෙනව දැක්කම, හොඳට හොදයි, ලස්සන දවසක්, ඔන්න මාමෙ කෙල්ල පැනපි ආදී චිත්රපට රැසක දෙබස් රචනා කළේය. අවසන් වරට ඔහු දෙබස් රචනා කළේ නැව ගිලුනත් බෑන්චූන් චිත්රපටය සඳහාය.
සිනමා ලොවට සිය දහස් ගණනක් නළු නිළියන් ඇතුළු ශිල්පීන් හඳුන්වා දීමට අත හිත දුන් කහවිටයන් මෙරට නම් දැරූ පුවත්පත් කලාවේදීන් රැසක් බිහි කළේය
Sarasaviya
